حوار مستمر بين الشباب والبنات

[الصلب الذى لا يصدأ]

شكرا لك يا سويلم على الموضوع الجامد ده وانا سؤالى للبنات ليه هم معظمهم بيحبوا المزاكرة اوى وازاى بيزاكروا مع شغل البيت

[أمة الرحمن]

عشان معظم البنات مش بيكون عندها اى اهتمامات تانية غير انها تنجح وتتفوق وتثبت ذاتها على عكس الولاد اللى بتكون الكورة مثلا واخدة نص اهتمامهم والبنات واخدة النص التانى انما البنت بيكون كل همها انها تزاكر وتنجح ومش بتهتم باى حاجة تانية غير كده وبيكون هو ده هدفها حتى بعد ما تتجوز وبيكون ده دافع ليها انها تنظم وقتها وتوفق بين بيتها ومزاكرتها
واللى بيكون حاطط هدف معين بيعمل اى حاجة عشان يوصل للهدف ده ويحققه ومن هنا بتقدر البنت توفق بين المزاكرة وشغل البيت

هفكر فى سؤال للولاد وهاجى تانى ولو حد عايز يسال يتفضل

[zero^cold]

مشكور جدا على الموضوع وسؤالى

امتى بتكونى وائقه فى الى انتى بتكلميه وياريت كلو يشارك ؟؟

سؤال جامد يا زيرو

وياريت الكل يشارك

[Salasola]

بص هيا على حسب الشخص اللى بتعامل معاه او على حسب اسلوبه
وبتختلف كمان من بنوتة للتانية
يعنى فى بنات بتثق فى الشخص اللى بتحبه يعنى بمجرد انها حبته بتثق فيه ثقة عمياء
وفى بنات تانية العكس يعنى بتحب الشخص اللى بتثق فيه يعنى لما توصل للثقة فيه الاول تبئة تحبه
وبتبان من اسلوب كلام الشخص اللى قدامنا يعنى فى ناس كلامها متناقض اوى وفى ناس كلامها مش متناقض بس غريب يعنى كل دا بيتحس

يعنى من الاخر لو انت بتتعامل مع واحدة
خليها تحبك وهيا هاتثق فيك او خليها تثق فيك وهيا هاتحبك
ومش شرط تحبك حب بمعنى الكلمة ممكن تحبك كأخ او كصديق او كحد بتحترمه


وسؤالى:
الولد بيحب البنت اللى مرتبط بيها او اللى بتحبه تديله الثقة فى نفسه اوى وتحسسه انها بتحبه اوى ولا كدا بيتفرعن عليها ويفرح بنفسه ويجمع البنات حواليه على اعتبار انه الواد اللى مافيش زيه فالاحسن انها تحسسه دايما انه كويس وكل حاجة بس دايما تحطله حتة انه الولاد كتير قدامه؟؟